Yewîya Weşanxaneyanê Kurd: "Îradeyê şarî serê her çîyî ra yo''

04.06.2024 - 21:06

Yewîya Weşangeranê Kurdan bi beyanatêko hempîya vera qayûmo ke şaredarîya Colemêrgî rê ameyo tayînkerdiş razînêbîyayîşê xo mojna û îzah kerd ke ganî cade Hemşaredarê Colemêrgî abigêrê wazîfeyê xo ser.

Beyanato hempîya wina yo:

''Raya Pêroyî rê

Weçînayîşê Herêmkî yê 31ê adare de, Colemêrg de sey hemşaredarî bi nameyê Partîya DEM’î Mehmet Siddik Akiş û Vîyan Tekçe qezenç kerdbî. 3ê hezîrane de rîyê dewayêka hemşaredar Mehmet Sidik Akişî ra Birêz Sidik ame destbendkerdene û dewlete walîyê Colemêrgî sey qeyyûmî eşt Şaredarîya Colemergî ser o.

Ma sey Yewîya Weşanxaneyê Kurd na kerdena xelete ke erjanê şarî, huquq û edeletî binpay kena, qebul nêkenê. Ganî dewlete na xeletîya xo ra bi lez û bez agêra û hemşaredarê ke şarê Colemerg weçînayî, Birêz Mehmet Sidik Akiş û Vîyan Tekçe agêrê karê xo ser û şarê xo temsîl bikê. Îradeyê şarî serê her çîyî ra yo.''

Nê weşanxaneyan îmza eşte beyanatî rê:

Weşanê Arî

Weşanê Aramî

Weşanê Aryenî

Weşanê Ava

Weşanê Avesta

Weşanê Belkî

Weşanê Dara

Weşanê Dengî

Weşanê Doyî

Weşanê Dozî

Weşanê Enstîtuya Kurdî ya Stenbolî