Bîlal Zîlan
Mela Mehmûdê Bazîdî (1797-1867) kitabê xo ‘Adat û Rusûmatnameyê Tewayifê Ekrad de wina nuşto (tercumeyê zazakî)"
Kurdî (ekrad), wazenê cayî bê, wazenê koçer bê, zaf hakimperest û axaperest ê. Zêde îtaetê îdarekaran û mîr û aẍayan kenê. Îdarekarê înan file (ẍeyrê muslîm) bo zî reyna îtaet kenê. LAKÎN, hemcinsanê xo rê (yanî yê ke sey înan kurd ê, înan rê) hesudîye kenê. [hemverê înan de] bi înad û kîn û keder ê. Eger hemcinsê înan ra (yanî kurdan ra) yew înan ser o bibo îdarekar û aẍa, na rey ey qebûl nêkenê û ey rê îtaet nêkenê. Peynî de fesadîyêk virazenê (yanî seba bêîtaetî behaneyêk peyda kenê).
Û eger kurdî îhsan û kerem û hewlîye yewî ra bivînî xo vîr ra qe nêkenê, daîm na hewlîye mîyanê şarî de, meclîsan de vanê û xirabîye zî bi 'eynî hewa vanê. Û deynê hewlîye ver o tim waştişê înan o yo ke xizmetêk bikê. Û verba xirabiye zî mibadilê ey xirabîyêk bikê û heyf bigîrê. Ê vanê ke hewlîye zî û xirabîye zî vindî nêbena. Û xeberdayîş (qiseykerdiş) û cewabî de bêperwa benê, hakim bo zî elbet cewabo heq vanê û nêtersenê, eke ê teʻzîr zî bikê, elbet ê cewabêk do bidê (vajê). Xeberdayîş (qalîkerdiş) de wayîrê cesaretî yê. Eke berê kiştiş zî reyna ẍemê înan nîyo. Yanî raşta zî kiştiş ra -sey miletanê bînan- merg ra nêtersenê, dilêr ê (wêrek/bêters ê)."
Çime: Murat Çelik, ‘Adat û Rusûmatname'ê Tewayifê Ekradiye ya Mela Mehmûdê Bazîdî (Metn û Lêkolîn), Mardîn Artuklu Unîv., Tezê Masterî, 2015, r.157
