Amedspor Lîga Diyîne ya TFFyî de bibi şampîyon û vejîyabi Lîga Yewine. Amedsporî aşkere kerd ke do semedê şampîyonîye merasîmê kûpa bêro viraştiş.
Amedsporî hesabê xo yê platformê dîjîtalî ser ra beyanatêk da.
Beyanat de derheqê detayanê merasîmî de çîke nêame parekerdiş.
Verê cû amebi aşkerekerdiş ke merasîmê kûba peynîya nê hewteyî do roja îneyî bêro viraştiş.
Roja pîrozkerdişî amey bedilnayîş
Goreyê aşkereyîya newîye roja pîrozkerdişî rojêk ameya taloqkerdiş. Goreyê ney, Amedspor do roja Yeşemeyî saete 17.00 de Stadyûmê Dîyarbekirî de pê şayîyêke şampîyonîya xo pîroz bikero.
Beyanatê Amedsporî de ame waştiş ke, dezgeyê sîvîlî û pêro şarê Amedî saete 17.00 de Stadyûm de bo û bêro merasîmê kûpa.
Amedsporê bipûanê 83 bibi şampiyon û 10 serran ra pey vejîyabi Lîga yewine ya TFFyî.
