ZAZAKÎ NEWS - Dêrsim de, di embazê ke seba ke xo honik bikerê kewtî Çemê Pîlemerîye û asnaw nêzanayêne, înan ra yew hetê welatîyan ra ame xelisnayene, o bîn zî awe de xeniqîya û wefat kerd.
Hedise, rayîrê Dêrsim-Pîlemerîye-Erzurumî ser o, mevkîya Uzuntarla (Xegaupîl) de ame meydan.
Goreyê agahîyanê ke ameyî girewtene, Özkan İlçi yo 37 serre, pîya bi embaza xo seba ke xo honik bikerê kewtî Çemê Pîlemerîye.
Bi mudaxeleyê welatîyan, cineka ciwane ya ke talûkeyê xeniqîyayîşî ra derbas bîyêne, awe ra amey vetiş, la Özkan İlçi awe de şi û bi vîndî.
Bi xeberdayîşî ser o, ekîbê 112, AFAD, îtfaîye, JAK, SAK û MUDAKî ameyî herême.
Cigêrayîşo ke hetê ekîbanê Beledîyaya Dêrsimî ra ame kerdene de, cesedê Özkan İlçî ame vînayene û awe ra ame vetene.
İlçi, ke teslîmê ekîbanê 112î ame kerdene, dima ke uca de mudaxeleyo yewin ame kerdene, bi ambûlansî wedarîya Nêweşxaneyê Dewlete yê Dêrsimî. Labelê pa heme mudaxeleyan nêame xelisnayene û wefat kerd.
