Komela Şêx Seîdî û hevalanê ey derheqê werdo ke tazîyayan de yeno werdiş de beyantêk da.
Beyant de ame vatiş ke, werdo ke tazîyayan de yeno dayî-werdiş ziraro madî dano wayîrê tazîya, raşt nîyo.
Beyanatê Komela Şêx Seîdî û hevalanê ey de wîna ame vatiş;
“Sere de Amed zaf cayanê dorûverî de hîrê rojî werdê tazîya yeno dayîş. No, dînê ma de zî çîyêko raşt nîyo. Xora şarê ma destteng o. Wayîrê tazîya xora mîyanê xemgînîye de yo. Werdo ke tazîya de dîyeno zirarêko madî dano wayîranê tazîyayan. Wa wazenê wa şarê ma nê edetî caverdo. Hetê dînî ra zî caardişêko raşt nîyo. Wa kes wextê werdî de nêşo cayê tazîya. Ma şarê xo ra wazenê wa edetê werdo ke tazîyayan de yeno dayîş-werdiş wedarê.”
Çend rojî verî Komela Licêyîjan aşkere kerdbi ke înan tazîyayan de dayîyê werdî wedarito. Zaf cayan de amebi pêhesyayîş ke wayîrê tazîyayan semedoke bieşkêtazîyaya xo de werd bidê, şinê banqayan ra kredî gênê. Zaf cayan dezî merdim esto qed nêşîyo tazîya labelê her tazîya de tira hezar TL pere yeno girewtiş.
