Tirkîya de siba semedê dora diyîne weçînayîşê Serekkomarî esto. Karê raydayîşî do saete 08.00 de dest ci biko saete 17.00 de biqedîyo.
Semedê weçînayîşî 191 hezarî ra zêde sindoqî do bêrê ronayîş. Weçînayîş de teberê Tirkîya zî tede 60 milyon ra zêdêr raydayoxî do ray bidê .
Dora diyîne de Namzetê Cumhurî Recep Tayip Erdogan û namzetê Miletî Kemal Kılıçdaroğlu ca gênê. û weçînayîşî ra dima her diyan ra yewêk do bibo Serekkomarê Tirkîya.
Namzetê Îtîfaqê ATAyî Sînan Oganî weçînayîşê Serekkomarî yê 14ê Gulane de se ra 5,17 rayî girewtbî. Namzetê Cumhurî Recep Tayip Erdoğanî se ra 49,52 û namzetê Miletî Kemal Kılıçdaroğlu zî 44,88 rayî girewtbî.
Weçînayîşê Serekkomarî yê Tirkîya do 28ê Gulane de newe ra bêro kerdene. Na dore de kamcî namzet zêde rayan bigîro beno Serekkomarê Tirkîya.
Zazakî News
