ZAZAKÎ NEWS - MED-DER û Şaredarîya Peyasî programê xo yê çarçeweyê 15ê Gulane Roşanê Ziwanê Kurdkî yê Amedî eşkera kerdî. Do siba Meydanê Şêx Seîdî de yew numayîş bêro viraştene û beyanat bêro dayene.
Komeleya Ziwan û Kulturanê Mezopotamya (MED-DER) û Şaredarîya Peyasî programê xo yê çarçeweyê 15ê Gulane Roşanê Ziwanê Kurdkî yê Amedî eşkera kerdî. MED-DERî da zanayene ke do mabênê 20ê Gulane û 1ê Hezîrane de merkezê bajarî û dewan de xebatê cîya-cîyayî bêrê viraştene. Heto bîn ra seba waştişê statuyê Kurdkî û perwerdeyê bi Kurdkî, do Berê Koyî, Gazîler û Ofîs de standî bêrê akerdene. Programê dewe û qezayan do hemkarîya şaredarîyan reyde bêrê viraştene.
Onca Şaredarîya Peyasî zî do 21-25 û 30ê Gulane de xebatê ziwanî virazo.
Programê MED-DERî wina yo:
"20ê Gulana 2025ine: Numayîş û beyanatê seba 15ê Gulane Ca: Meydanê Şêx Seîdî (Berê Koyî) Saete: 17:30
21ê Gulana 2025ine – Dîwana Dengbêjan Camîya Girde ya Amedî Saete: 16:00
24ê Gulana 2025ine – Atolyeyê ziwan û hişmendîyê Dewa Çinarî Cobînî Beşdarîya cinî û gedeyan reyde (bi zazakî)
25ê Gulana 2025ine – Atolyeyê ziwan û hişmendîyê Dewanê Pîranî Panel – Dewa Himbêlî Atolyeyê ziwanî – Dewa Dibnê Beşdarîya cinî û domanî reyde (bi zazakî)
31ê Gulana 2025ine – Atolyeyê ziwan û hişmendîyê Dewa Licê, Goma Elî Keya (Bi Zazakî)
1ê Hezîrane 2025ine – Atolyeyê ziwan û hişmendîyê Dewa Erxenî, Barbîn (Bi Zazakî)"
Programê Şaredarîya Peyasî zî wina yo:
"21ê Gulane 2025ine Şano: Pergal Ca-Saete: Şanoya Bajêrî ya Amedî- 19.30
25ê Gulana 2025ine Şîîrwendiş: Çîrûskêke şîîra Kurdkî Rênas Jiyan Ca-Saete: Salona Wendiş ya Arjen Arî (Verê Şaredarîya Peyasî) – 15.00
30ê Gulana 2025ine Dîwana Dengbêjan Ca-Saete: Parkorman – 19.30 – 21.00"
