ZAZAKÎ NEWS - Qezaya Dîyarbekirî Karaz de, wexto ke cinî û mêrde şîyêne weverê rayîrî, erebayêk da înan ro. Qeza de Hîkmet T. (74) wefat kerd, cinîya ey B.T. zî birîndar bîye.
Goreyê agahîyan, hedîse Taxa Gökçenî de ame meydan. Agahdarî ser o, ekîbê weşîye û cendirmeyan herême rê ameyî şirawitiş. Ekîbanê weşîye cayê hedîseyî de tesbît kerd ke Hîkmet T. wefat kerdo.
Cenazeya Hîkmet T.yî, seba ke otopsîya ci bêro kerdiş, şawîya Sazîya Tibê Edlî. Cinîya ey B.T. zî, bado ke mudaxeleyo verên ci rê ame kerdiş, şawîya nêweşxane.
Derheqê qeza de cigêrayîş dîya destpêkerdiş.
