ZAZAKÎ NEWS - Rojnamegerê Swêdî Joakim Medin o ke bi sûce "heqaretê Serekkomarî" û "endametîya rêxistinî" ame tepiştiş û 49 rojî hepisxane de mend, bi qerarê Mehkemeya Cezayê Giranî ya 13ine ya Stenbolî ame verdayene.
Joakim Medin, dima ke ame verdayene, Tirkîya ra vejîya û agêra welatê xo.
Joakim Medin xeberneqilkarê teberî yê rojnameyê Swêdî Dagens ETC, dima ke 49 rojî hepisxane de mend, hetê Mehkemeya Cezayê Giranî ya 13ine ya Stenbolî ra ame verdayene.
Medin 27ê Adare de şîbi Stenbolî, Firgehê Stenbolî de amebi tepiştiş û erzîyabi hepisxane.
Komeleya Xebatanê Medya û Huqûqî (MLSA) ke pawitişê Medinî girewtibi xo ser, va ke celseya verêne ya 30ê Nîsane de seba sûcê "heqaretî" 11 aşmî û 20 rojî ceza girot û eyni celse de qerarê verdayişê ey ame dayene.
