Serekê Beledîyeya Baxlarî yê AK Partî Hüseyin Beyoğluyî verê weçînayîşê 31ê Adare baldiz û lajê xo girewtê beledîye û wazîfe da her diyan .
Huseyîn Beyoglu baldiza xo Deniz Gürdeğir û lajê xo Mustafa Beyoğlu zî girewtê gure.
Verê cû zî merdimê xo girewtbî kar
Huseyîn Beyoglu wexto ke newe dest bi wazîfe kerd birayê xo Haşim Mertoğlu kerdbi hetkarê serekê Beledîye û badê zî birarzayê xo Sıddık Aycıl ard beledîye
Heto bîn ra bi xebata mufetîşan ispat bibi ke Beledîyeya Baxlarîde karê girewtişê ruşwetî bîyo û semedê ê skandalî çend kesî zî ameybî tepiştiş.
Labelê derheqê Huseyin Beyoglu yo ke bi destê xo ê karî îmza kerdbî de tehqîqatêk nêame akerdiş.
heto bîn ra pêhesîya ke, Beledîyeya Baxlarî nê demanê peyênan de personelan gêna.
Namzedê DEM Partî ye qezaya Bexlarî Siraç Çelikî aşkere kerd ke verê weçînayîşê 31ê Adare Beledîyeya Baxlarî seyan kesî girewtê gure.
