Hedîse, tarîxê 23ê êlule de qezaya Bongilanî de, Lîseya Meslekî û Teknîkî ya Anadolu ya Malim Hüseyin Artunçî de qewimîya. Goreyê agahîyanê ke ameyî girewtiş, sereyê wendekar Abdulkerim Demirî mîyanê asansorê barî yê mitbaxê mektebî de mend. Dîma îhbarî, ekîbê îtfaîye û weşîye ameyî şawitiş.
Wendekaro ke hetê ekîbanê îtfaîye ra ame xelasnayîş, bi ambulansî wedarîya Nêweşxaneyê Dewlete yê Bongilanî. Demir o ke badê tedawîya verêne wedarîya Nêweşxaneyê Dewlete yê Çewlîgî uca ra wedarîya Nêweşxaneyê Şarî yê Fethi Sekinî yê Xarpêtî. Abdulkerim Demir, pa pêro tedawî û midaxeleyê doktoran nêxelesya û merd.
Kaynak: Zazakî News
