ZAZAKÎ NEWS – Weşanxaneyê Vateyî, seba dewlemendkerdişê edebîyatê Zazakî xebatanê xo rê dewam keno. Di berhemê neweyî; kitabê Mehmet Çetînî yê bi nameyê "Suredar" û kitabê şîîran ê Akın Yanardağî yê bi nameyê "Çêberê Eflatûn" ameyî neşirkerdiş.
Çapkerdişê kitabanê Zazakî tena xebatêka edebî nîya; eynî wext de seba ziwanê ma gama estbîyayîşî ya. Nê berhemî:
Wendişê kitabanê Zazakî, têkilîya miletî ya bi ziwanî reyde xurt keno.
Her kitabêko newe, mîrasê kulturê ma resneno neslanê ameyoxan.
Pê şîîre, hîkaye û romananê Zazakî, yeno mojnayîş ke ziwan de her tewir fikir û hîs eşkenê bêrê îfadekerdiş.
Akın Yanardağ û Mehmet Çetîn bi nê eseranê xo rengêko newe da edebîyatê Zazakî.
Enwer Yılmaz
Kaynak: Zazakî News
