ZAZAKÎ NEWS - Geyrayîşo ke hetê beledîyeya Dîyarbekirî ra her hewte gedeyan reyde yew cayê kulturî yê cîya-cîyayî de beno, no hewte zî Şikeftê Hîlarî yê qezaya Erxenî de dewam kerd.
65 gedeyî ke qezayanê Farqîn û Karazî ra ameyî, perwerdekar û rehberanê pisporan reyde şikefte ra gêrayî, tarîx û kulturê bajarî cayê xo de dîyî û etud kerd.
Geyrayîşo ke bi hemkarîya Serekîya Daîreya Xizmetanê Sosyalan û şaredarîyanê qezayan seba gedeyanê ke mabênê 9-14 serran de yê ame organîzekerdene, tede gedeyan rê çante ke tede malzemeyê ke hewcedarîyanê înan ê bingeyinî est ê, sey dîyarî ameyî dayene.
