ZAZAKÎ NEWS - Komeleya Şêx Seîdî, bi yew eşkerayîya resmî venga pêro şarî da ke seba serrgêra 100ine ya şehadetê Şêx Seîd û embazanê ey, roja Şeme, 29ê Hezîrane de Meydanê Şêx Seîdî (Berê Koyî) yê Amedî de bêrê pêser.
Goreyê eşkerayîya komele, armancê nê programî no yo ke hem mucadeleyê heq û edaletî yê Şêx Seîdî û embazanê ey nêde vîrakerdiş, hem zî raştîyanê tarîxî neslanê neweyan rê biresnê. Eşkerayîye de ame vatiş ke no program do yew têhetameyîşê tarîxî bo û mîras, mucadele û cayê Şêx Seîdî û embazanê ey yo ke tarîx de yo, reyna do bêro vîrardiş.
Komele, bi nê vateyan venga pêro şarî, temsîlkaranê saziyanê komelê sivîlî, akademîsyen, cigêrayox û çapemenîya erjaye da:
"Bêrê, ma wayîrê tarîxê xo bivejê, ma şehîdanê xo pîya yad bikerê!"
Malumatê programê yadkerdişî:
· Tarîx: 29 Hezîrane 2025, Yewşeme
· Saete: 17:30
· Ca: Meydanê Şêx Seîdî (Berê Koyî, Amed
Eşkerayîye, ke serê nameyê Rayraberdîya Komeleya Şêx Seîdî ra amê kerdene, bi şîara "Seba Edalet û Heqîqetî!" peynî bîye.
