Goreyê texmînanê tewr peyênan ê Mudurîyeta Pêroyî ya Meteorolojî (MGM), pêroyê welatî de hewa hewrin o û varan esto; qismê başûrî de ca bi ca zaf hewrin o. Mintiqaya Deryayê Sipîyî û Vakurê Kurdistanî (Başûrê Rojhelatê Anadolû) zî tede, başûrê Ege û Anadolûya Mîyanêne û rojawanê Rojhelatê Anadolû de varan û birûsk pawîyenê.
Hişyarîya vayê xurtî
Seba ke qeraxanê Marmara û Zimeyê Egeyî de hewayê vayî do heta 40-60 km/saet xurt bibo, ame waştiş ke hemwelatî vera tesîranê xiraban dîqet bikê û tedbîran bigîrê.
Bajarê ke tede şilîye yena pawitene:
Muğla, Denizli, Edene, Antalya, Burdur, Hatay, Isparta, Mersîn, Osmaniye, Meraş, Konya, Karaman, Niğde, Aksaray, Nevşehir, Erzincan, Dêrsim, Xarpêt, Meletî, Semsûr, Êlih, Dîyarbekir, Entep, Kilis, Mêrdîn, Sêrt, Rıha û Şirnex.
