Çewlîg de qezayêka trafîkî ya ke ameye meydan de 3 kesî birîndar bîy. Birîndarî bi ambûlansan şirawîyayê nêweşxane. Qeza, serê rayîrê Çewlîg-Erzurumî de, mevkîya Germikan de bîye.
Goreyê agahîyanê ke ameyî girewtene, wesayîto tîcarî yo sivik bi plakaya 27 BCU 347 û yew otomobîlêko bi plakaya 44 NB 549 pêro day. Netîceyê qeza de 3 kesî birîndar bîy.
Bi xeberdayîşî ser o, ekîbê UMKE, weşîye û cendirmeyan cade şawîyayî cayê qeza.
Ekîbanê weşîye mudaxeleyo verên cayê qeza de kerd û dima ra birîndarî bi ambûlansan wedarîyay Nêweşxaneyê Dewlete yê Çewlîgî. Ame parekerdiş ke birîndarî gêrîyay binê tedawî.
Derheqê qeza de tehqîqat dewam keno.
