Hîşyarkerdişê meteorolojî ra dima Çewlîg de bîşewe varan ci pêkerd û qezaya Kanîreşî de tesîrêko xirab verda cuja rojane ser. Rîyê lezkewtişê awe ra kuçeyî bîy sey hewz û deryayan; şar û esnafî resayîşê kargehanê xo de zehmetîy antî. Rîyê debîyayîş û padîyayîşê mazgalan ra esnafan bi hewldanê xo dest bi akerdişê cayan kerd.
"Ma nêeşkenê bikewê dikananê xo"
Esnafo bi nameyê Ömer Şengülî va ke rîyê xurtîya varişî ra nêeşkayê şirê karê xo ser û va: "Şewe ra heta nika varan vareno. Zaf zêde varayo; rîyê girifîya awe rogarî padîyayî. Helbet ma nêeşkenê şirê dikananê xo. Çunke ma nêşenê şirê, çî û hecetê ma pêro awe ser o fetilîyenê. Otomobîlî kita kinarî de mendê. Rayîr hema padaye yo, nêbîyo a. Cayê ke ameybî padayîş ma akerdî, ma bi ewnîyê netîce do bibo çi."
