Mehkemeya Cezayê Sulhî ya 7îne ya Bakırköyî, roja 30ê êlule de seba hesabê Xî yê bianetî qerarê astenkerdişî û wedarnayîşê muhtewayan da. No qerar mîyanê 7 rojan de bianetî rê nêame teblîxkerdiş.
Pêro pîya bi bianetî reyde seba hesabê zaf rojnamewanan zî qerarê astenkerdişî dîya. Kesê ke hesabê înan ameyî astenkerdiş mîyan de İrfan Değirmenci, Şirin Payzın, Burak Acerakis, Erdal Sağlam, Dinçer Gökçe, Sarya Toprak, Esra Tokat û Furkan Karabay zî est ê.
Seba nê qerarî behaneya "Pawitişê ewlehîya neteweyî û nîzamê pêroyî" ame nîşandayîş. Badê nê qerarî hîrê-çar hesabî hetê Xî ra Tirkîya de ameyî astenkerdiş. No qerar hetê platformê EngelliWebî ra ame vilakerdene.
Hesabê bianetî verê cû zî amebi astenkerdene
Hesabê Xî yê İrfan Değirmenci û Şirin Payzıne 16ê êlula 2026î de zî amebî astenkerdene
