Nuştoxe Suzan Samancı ya ke nameyanê edebîyatê Kurdî û Tırkî yew a, senî ke Swîs ra resa Îstanbul, Hewagehê Îstanbulî de destbend bîye.
Avukata aye Eren Keskin da zanayîş ke Samancı seba “propagandaya rêxistine” destbend bîya. Badê ke adliyeya hewagehî de bi rayê SEGBİSî (Sîstemê Veng û Sûretî) têkilîye amey ronayîş, Mehkemeya Cezaya Sûlhî ya Dîyarbekirî Suzan Samancı bi şertê qedexeyê vejîyayîşê teberê welatî serbest verada.
Eren Keskin da zanayîş ke serbestveradayîşê Samancıya ke 18 serran Swîs de mendîbî bi şertê qedexeyê teberî welatî, kişta binpêkerdişê heqê merdiman de, yeno manaya astengkerdişê azadîya fikrî zî.
Samancıya ke do dima Îstanbulî ra şêra Dîyarbekir, nêzdîyê 10 serran bîye ke welatê xo, keyeyê xo û wendoxanê xo ra dûrî bîye.
Suzan Samancı kam a?
Suzan Samancıya ke nuştoxe, şair û hîkayenûs a, 20ê êlule 1962 de Dîyarbekir de ameya dinya.
