ZAZAKÎ NEWS - Vajîyeno ke Walî û Qeyumê Dêrsimî Bulent Tekbiyikoglu waşto îstîfa bikero û Wezaretê Karanê Zereyî ey wazîfe ra girewto.
Bulent Tekbiyikoglu serra 2023yine de bibi Walîyê Dêrsimî û 22ê Teşrîna Peyêne ya 2024î de zî Wezaretê Karanê Zereyî yê Tirkîya o sey qeyum tayînê Şaredarîya Dêrsimî ke destê DEM Partî de kerdbi.
Partîya Karkeranê Kurdistanî (PKK) 12ê Gulane aşkere kerdbî ke Alî Haydar Kaytan û Riza Altun wefat kerdê.
Alî Haydar Kaytan û Riza Altun vizêr Dêrsim de de ameybî vîrardiş.
Goreyê tay îddîayan Bulent Tekbiyikogluyî rê Anqara ra yew telefon ameyo û tira vajîyayo ke “to çi ra destûr dayo programê vîrardişê Alî Haydar Kaytan û Riza Altunî”
Goreyê Nowhaberî, Tekbiyikogluyî dima naye waşto ke îstîfa bikero û waştişnameyo resmi dayo Wezaretê Karanê Zereyî.
T24yî zî da zanayîş ke Wezaretê Karanê Zereyî yê Tirkîya ey wazîfeyê xo ra girewto û nuşteyê wezaretî şîyo Walîtîya Dêrsimî.
