Komîsyonê Trafîk û Resnayîşî yê Şaredarîya Çewlîgî, tarîfeya newîye ya kooperatîfê mînîbûsan ard Meclîsê Şaredarîye. Qeraro newe bi zafîya rayan ame qebulkerdiş û meclîs ra vîyart.
Tarîfeya heqan a newîye
Goreyê tarîfeya newîye ya ke Meclîsî de ameye qebulkerdiş, xetanê sey Düzağaç, Sîmanî, Recep Tayyîp Erdoğan, Şehît Mustafa Gündoğdu, Kultur, Banê Ahmet Dursunî û Îçmeler TOKÎ de bîletê tamî 28 lîrayan ra vejîya 35 lîrayan. Heqê wendoxan zî 21 lîrayan ra vejîya 24 lîrayî.
