Mezraya Girisî ya dewa Masertî (Elmasırtı) ya girêdayîya qezaya Solxanî de arêdayîşê gozan dest pêkerd. Baxçeyê 150 donimî yê bi daranê 12 serran de berhem ame arêdayîş. Wayîrê baxçeyî Abdulnasır Tunçî va ke daran ra emser teqrîben 6 tonî berhem pawenê û da zanayîş ke par rîyê cemedî ra gozî çîn bî.
Tunçî va ke înan 150 donimî ser o baxçeyê gozan viraşto û derheqê xebate de nê çîyî pare kerdî: “No baxçeyê gozan ê tewr gird ê Çewlîgî yo. 4-5 serrî yo ke berhem dano. Baxçeyê 12 serran o. Ma eşkenê 5-6 tonî gozan arê bidê. Serra verêne cemed bi, cemedî ra tayê zehmetîye bîye. Labelê emser ma daran zafêr awdanê. Awa ma kêmî ya, eke awe bibo kêmîyêka bîne çin a. Pêynîya arêdayîşî de makînaya patişî esta. Ma makîna reyde qafikan cîya kenê. 10 rojan zî verdenê verê wuşkbiyîş. Çiqas ke hewceyê ma yo ma xo rê gênê, yê bînî zî Solxan yan zî Çewlîg de roşenê.”
