Roşanê Cemayî ke roşananê tewr verên û bimbarekan ê bawerîya êzidîyan ra yew o, her serre Laleş de 7 rojî yeno pîrozkerdiş. Nê 7 rojan de bawermendê êzidî her cayan ra yenê Laleş, govendê dînî gêrênê û beytan wanenê.
Roja yewîne Mîrê Êzidîyan, Babeşêx û Meclîsê Ruhanî reyde beşdarê merasîmî beno; "Beyta Êre" û "Sema" yenê viraştiş. Rojê hîrêyîne û çarîne seba tewaf, duayan û ayînanê dînî yê; 7 lajî û 7 keynekî sembolê 7 melekan cilê sipîyan danê xo ra. Roja peyêne de zî texteko bimbarek yeno şûtiş û cayê xo yê bewlîkerdeyî de yeno ronayîş.
Hukmetê Îraqî serra 2023yî de no roşan bi fermî nas kerdbi û seba 7 rojan betlaneya fermî îlan kerdbi.
