Arêkerdox: Mistefa Gomayij
Cay beno cay nêbeno wextî zeman de yew axa û yew zî dîk ey beno.Dîk serro reyde bi tebîet xona wanen û kergon axay reydi keye keno.Ge ge koxik paweno ge ge zî lêçiko,variko û dîklêyro rî bawkî keno.
Labelê serrî yenê û şonî dîk beno pîr. Axay çim ra kuweno û beno bêqîmet.Axa yew kiştra von “hendeko no keleşêr gan û goşto ez birno biwero”.
Kişta bîn ra von “la ek dîk mira perso sucî mi çinawo? Ti qey mi birnen û wenî?” Gere ka ez zî yew çend çîyê balkêş bido aver ke dîk nîşyo bîyero ca û bibo sucdar. Ez zî biwijdan a birno û biwero. A roj ra pey axa dîk rê geyren mahne û paweno ki dîk veyndo.La tebîet dîk vendayişo.Roja bîn dîk siloyê sero veyndono. Axa eşnawen şino hewlîk sera vengo berza dîk ra vono:
-Ero na çi qixîya! No çi vengo bêqeyde wo! Ti heyna heyna eno venga biqêrî se ez to birnen û weno. Dîk şaş ben û xo pîze de von’Axa qey reşimîyew bêsuc û bêgune mi birnen û weno. Ancîne tersen û yew çend roji xînta xînt bêvenge gêreno.Yew hile cesaret yeno ci von “lîya ez ene qam û qelafetî xona çi bitersa” raşt beno şino axay hete lomey keno vono:
-Axay mi ez serro rey de siloy û koxîkî kergon dî to paweno. Ge ge zî lêçiko,variko û dîklêyro rî pîyey keno.Û ez na extîyereyda xona serra waxte şima rî ezo zî veyndono. Axa ine qalo ra pey dik bêerzke ken û von:-
-Goşdarî bike. Na saet ra pey to ra veng vejo se ez to birnen û wen.
Dîk xo bi xo von:
-Ya Alla ya sebur û zeri dono xo von “koxîk cîronun de zî embazî estî yê veyndonî û ey zî goştarî keno mîrî beso”
Dîk xeylêk zemo bêveng ciwîyeno. La Axa ina rewşa da dîk ra xoyî keno. Tebate nigên û yeno berdî koxîk de veynda dîk dono von:
-Na bêvengeya to weştî mi nêşona. Gereka ti înkay ra pey sey kergo gidgidak bikerî. Neka ez to birne û wen.
Na qalda axay ra pey derd û kulî dîkî bineyna beno zêydî.Dîk nono têver û xo îqna keno von “yew kişta bêxîreteya û nêuncêna, La kişta bîna zî merg esto.” Destpêkeno hawayê kergo gidgidake keno. La qehrî verde fesa ey purisîna, pel ey ruçikênî û pûzî ey benî este. Axa paweno ke dîk yew xeta bikero birn û boru. La dîk zî bêxîreto. Tersî mergî verde haway kergo gidgidake keno û silo û silo gêreno. O cîwar de çikas ke teyr û tûr esto se yenî temaşeyê û biheyret manenî.
Tesela axay kuwena dûrî ra ewnêno ke dîk bîyo katey mendo. Xo pîze de von “ez bineyna vindo se awka goştî ney zî nêwerîna” Hêrsa veynda ey don û vono:
-Ero no çi halo? Kê von qey to jo veto. Dîk ra veng nêvecîno. Dewame keno von:
-Bew mira eke ti hako nêbikerî se, ez to birne, pewjen û wen. Dîk uca fam keno ke axa peyena peynî ey birnen, pewcen û weno.Pelo dono xoro û vengo berza bermeno.Axa bindî lewora huyen û agêren dîk ra vono:
-Wella mi to ro bo! Qey hak ardış ehinde zordî toya şîyo.
Dik agêren axay ra vono:
-Ney ney. Ez poşmana ke mi ixanete kerdo eslî xo. Gereka mi rojda verîn ra esaletî û tebîetî xona venge bidaynî û ez aya hili ûca bimerdînî. La çi fayde ke mi deston dî xora kerda xo.
Mara zurî Homay ra raştî.
