Mehmet Ay
Ez eno hewte şima rê qala nêweşîya ma ya psîkolojîkî kena. Eno mewzu derg o û muhîm o. Wext sey verî nîyo. Wextê ma de televîzyon, telefone çinê bî . Înternet hema newe vejîyabi. 15 serrî emrê ci est o. Wext bedilîya û însan zî bedilîya. Heyatê ma de înan zaf tesîr kerdo. Zemanêk semedê vînayîşê yew însanîma tîya ra yew hewte dur rayîr şîyêne. Însanî merdî hayîya yewî pey çin bî. Wext bedilîya, kê wenişeno wesaîte, 2 saete de şino her ca. Eno bedilîyayîş rihê ma ser o zaf têsîr keno. Zamanê ma ma ro maneno û ma cayanê cîyayan ra gêrenî.
Telefone û televîzyone kewtî heyatê ma, heyatê ma zî zaf bedilîya. Însanê ma sey verî zaf nêwanenî, wexto ke nêwanî, kê heq û heqîqet nêzonî û ti televîzyone de çina vînê ti vanê qay raşt a, kê xapêyeno. Şarê ma nêwaneno seba ey zî zaf xapêyeno. Vanê qay her çi dîyo û her çi eşnawito raşt o. Her çi vînenî û eşnawenî hema eynî yê ey heyatê xo de anî ca, eno zî heyatê ma zaf keno pîs û kulturê ma xerepneno. Ciwanê ma hîna lez xerepîyayî, zimanê xo vîndî kerd, kulturê xo vîndî kerd. Dadî û babîyê xo ra nefret kenê. Eno şîyayîş bin ra rind nîyo. Telefone û televîzyone ser o zaf xeberdayîş lazim o. Ez hewteyo bîne dewam kena.
