Mehmet Ay
Eno hewte ez şima rê qalê Xokiştişî kena wendoxê min ê erjîyayeyî. Ena mewzu zaf muhîm a. Lewra ma tîya de qalê heyatê însanan kenî. Ena mewzu ser o 1915 de Emîle Durkheîm yew teorî eşt meydan. Vato ke însan tena yew kes nîyo. Însan bi koma xo yeno meydan.
Hal û hereketê ma girêdayeyê cemaetê ma, girêdayeyê koma ma yê. Eke însan girêdayeyê koma xo bibo beno keyfweş labelê koma xo ra biabirîyo beno tena û heyate ra zî abirîyeno. Yew însan heyate ra bibirîyo hêvîyê ey qedîyena û Xokiştiş yeno meydan. Ey semed ra gere ma timûtim girêdayeyê koma xo bibe. Yew însan koma xo ra birîya gere ma hal û wextê ey biperse, çi kar keno, ha ça de yo, çi derdê ey est o. Wexto ke ma yewbînan biperse ma hîna benê keyfweş û ma heyate ra girêdîyenî.
Pêver bide! Tirkîye de serra 2015 ra pey 20 hezar însanî xo kişto. Ey semedî ra mi wexto ke dest bi ena mewzu kerd mi va ena mewzu zaf muhîm a. Zaf dewletî herbî de hende merdimanê xo vînd nêkenî.
Ti vajê dermanê ena nêweşî çi ya? Ez cewab bidî şima. Heskerdiş, însanetî, girêdayeyîyê koma xo û qismêkî zî dîndarîye.
Paweyê Homayî bibêni.
