Mehmet Ay

Nê nuşteyê xo de, ez do behsê şîzofrenî bikera. Na, yew nêweşîya ruhî û zihnî ya komplekse ya. Seyrê nêweşîye her kesî de eynî nîyo, la bi zafêr fikrê şaşî û vînayîşê xeyalan (halusînasyonî) yenê dîyene. Sebebê na nêweşîye tam bewlî nîyo.

Goreyê kitabê psîkolojîye DSM-5, tayê nîşanê na nêweşîye yê tewr bewlîyî nê yê:

  • Fikrê şaşî û wahîmî (deluzyonî)

  • Vînayîşê xeyalan (halusînasyonî)

  • Qiseykerdiş û hereketê organize nêbîyeyî

  • Komel ra xoancîyayîş (îzolasyono sosyal)

  • Hîsê tenyayîye

Wexto ke yew kes bi na nêweşîye keweno, xo komel ra abirneno, xeyalan vîneno û nê xeyalî raşt nîyê. Na nêweşîye, her hezar kesî ra yew kesî de asena. Matematîkzano namdar John Forbes Nash zî bi na nêweşîye kewtibi.

Tedawîya ci di tewir a:

  1. Tedawîya bi qiseykerdişî (Psîkoterapî): Ganî nêweş, yew psîkologî reyde derheqê nêweşîya xo de qisey bikero. Çimkî nêweş bi sereyê xo nêeşkeno na nêweşîye ra bixelisîyo.

  2. Tedawîya bi dermanan: Ganî nêweş dermananê ke hetê doktorî ra ameyê nuştene, bi rêkûpêk bişuxulno.

Weşîye de bimanênê